झापा । झापाको कचनकवलका गाउँपालिका वडा नम्बर ३ का वडा अध्यक्ष ग्यास अजमल मिया कुटीएका छन् । छोरीको उपचारका लागि श्रीमती सहित बिर्तामोडस्थित मनमोहन अस्पताल गएका वडा अध्यक्ष मियामाथि बिहीबार विहान अस्पतालको गेटै कुटपिट भएको हो ।
अध्यक्ष मियालाई मेचीनगर नगरपालिका– ६ निवासी ३६ वर्षीय विजय पनेरुले हेलमेट प्रहार गरेको बताइएको छ । वडा अध्यक्ष मिया श्रीमतीसहित आफ्नो कारभित्र बसिरहेको बेला पनेरुले अन्धाधुन्ध हेलमेट प्रहार गरेको थिए । कुटपिटबाट वडा अध्यक्ष मियाको नाकको दुवै डाँडी भाँचिएको छ ।
प्रदेश–१–०१–०१७ प ६५३७ नम्बरको मोटरसाइकलका सवार पनेरु पूर्वबाट पश्चिमतर्फ गइरहेको बेला सडकमा लडेका थिए ।
त्यही निहुँमा उनले कारभित्र रहेका वडा अध्यक्ष मियामाथि सांघतिक आक्रमण गरेको प्रत्यक्षदर्शीले बताएका छन् । अध्यक्षको मनमोहन अस्पतालमै उपचार भइरहेको छ ।
घटनाभए लगतै कुटपिटमा संलग्न पनेरु मोटरसाइकल चढेर भाग्न खोज्दा स्थानीयको सहयोगमा पक्राउ गरिएको प्रहरीले जनाएको छ । यता पीडितले दोषीलाई कडा कारबाहीको माग राख्दै इलाका प्रहरी कार्यालय बिर्तामोडमा किटानी जाहेरी दिएका छन् ।
