मेचीनगर । झापाको मेचीनगर नगरपालिकाले नदीजन्य पदार्थ उत्खनन तथा संकलन कार्यमा रोक लगाएको छ । नगरपालिकाले बिहीबार एक सूचना जारी गर्दै उक्त कुरा जनाएको हो ।
मेचीनगरको मेची, निन्दा, टिमाइलगायतका खोलाबाट ढुंगा, गिट्टी, बालुवालगायतको नदिजन्य पदार्थ प्रयोग गरिँदै आएको छ ।
नगरपालिकाले नेपाल सरकारको निणर्यानुसार बिगत बर्षहरु झै यस वर्ष पनि आषाढ, श्रावण र भाद्र महिनाभरी यस नगरपालिका क्षेत्रमा रहेको नदी, खोलाहरुबाट नदीजन्य सामाग्रीहरु जस्तै ढुंगा, गिट्टी, बालुवा, ग्राभेल आदि उत्खनन तथा संकलन कार्य बन्द गरिएको मेचीनगरका प्रमुख प्रशासकीय अधिकृत महेश पराजुलीले जानकारी दिए ।
उत्खनन तथा संकलनमा यदि कसैले नेपाल सरकारको उक्त निणर्यहरुको बर्खिलाप भएको पाइएमा नियमानुसार दण्ड, जरिवाना गरिने उनले बताए ।
