राष्ट्रिय प्रजातन्त्र पार्टी राप्रपाले महिला विभाग प्रमुखको जिम्मेवारी कुन्तीकुमारी शाहीलाई दिएको छ। पार्टीकी महामन्त्रीसमेत रहेकी शाहीलाई महिला विभाग प्रमुखको जिम्मेवारी दिइएको प्रवक्ता मोहन श्रेष्ठले जानकारी दिए। त्यस्तै महिला विभाग उपप्रमुखमा रेखा थापालाई जिम्मेवारी दिइएको छ। अध्यक्ष राजेन्द्र लिङ्देनले महिला विभाग प्रमुखलगायतलाई मनोनयन पत्रसमेत दिइसकेका छन्।
साथै सदस्य सचिवमा सवान्त थापा, सदस्यहरूमा सरस्वती लामा, नानु लामा नगरकोटी, बबिता शाही, इन्दिरा शाही र रिता कुँवरलाई जिम्मेवारी दिइएको राप्रपाले जनाएको छ।
