बिर्तामोड : राष्ट्रिय सहकारी बैंक बिर्तामोड शाखाले बैंकको २१ औँ स्थापना दिवस मनाएको छ । बिर्तामोडस्थित आफ्नै कार्यालयमा आज शुक्रबार एक कार्यक्रमकाबिच केक काटेर स्थापना दिवस मनाइएको शाखा प्रमुख विवेक डाँगीले जानकारी दिए ।
राष्ट्रिय सहकारी बैंकका सञ्चालक महेन्द्रकुमार गिरीको प्रमुख आतिथ्यमा भएको कार्यक्रममा जिल्लाका विभिन्न सहकारी संस्थाका अध्यक्ष तथा प्रतिनिधिको सहभागिता रहेको थियो ।
सञ्चालक गिरीले कार्यक्रमलाई सम्बोधन गर्दै राष्ट्रिय सहकारी बैँकले देशभरका ६८ शाखा कार्यालयमार्फत सदस्य संस्थालाई वित्तिय सेवा दिँदै आएको बताए । राष्ट्रिय सहकारी बैंकमा १६ हजार सहकारी संस्था सदस्य रहेको पनि उनले बताए ।
