झापाको कनकाई नगरपालिकाले वडा नम्बर ८ र ४ का २४ जना भुमिहिन सुकुम्बासीलाई आइतवार निशुल्क जग्गा धनीपुर्जा वितरण गरेको छ । लामो समयदेखि बसोबास गर्दै आएका देशभर आफ्नो तथा आफ्नो परिवारको नाममा जमिन नभएका २४ घर परिवारलाई निशुल्क बसोबासीको आधारमा जमिनको लालपुर्जा प्रदान गरिएको कनकाई नगरपालिका प्रमुख राजेन्द्रकुमार पोखरेलले जानकारी दिए ।
एक कार्यक्रमकाबिच राष्ट्रिय भुमि आयोगका अध्यक्ष तिलक पाण्डे , कनकाई नगरपालका प्रमुख पोखरेल, उपप्रमुख आशाशर्मा शिवाकोटी, भुमि आयोगका सदस्य सानुकुमार लामा, सदस्य ताराप्रसाद सुवेदी, युएन हयाबीटाटकी प्रतिनिधि मिस हेलेन जीएलटिएन,
नापी कार्यालय झापाका प्रमुख सुरेशलाल कर्ण, भुमिसुधार तथा मालपोत कार्यालयका प्रमुख योगेन्द्र दुलाल, कनकाई ४ का वडाअध्यक्ष रोषन सुवेदी, ८ का वडाअध्यक्ष लीलाबहादुर कटुवाल लगायातले संयुक्त रुपमा धनीपुर्जा वितरण गरेका हुन् । उनीहरुलाई आधा कठ्ठादेखि डेढ कठ्ठासम्मसम्मको धनीपुर्जा बितरण गरिएको हो । वडा ४ का ११ जना र ८ का १३ जना सुकुम्बासीलाई धनीपुर्जा बितरण गरिएको हो ।
कनकाई नगरपालिकामा ७०५१ जना भुमिहिन, दलित तथा अव्यवस्थित बसोबासीको धनीपुर्जा वितरणको तयारी गरिएकोमा हालसम्म ८१ जनाको मात्रै धनीपुर्जा बितरण गर्न पाएको जनाएको छ ।
