झापाको बिर्तामोडमा सञ्चालित होटल हिकोला हेरिटेज स्थापनाको ९ औं बर्षमा प्रवेश गरेको छ । आन्तरिक र बाह्य पर्यटकको सुविधालाई ध्यानमा राखेर २०७२ साल भदौं ४ गते होटलको स्थापना भएको थियो ।
स्थापना दिवसको अवसरमा भदौं ४ गते पर्यटन प्रवर्धनका लागि साहित्य, संगीत, कला, भाषा, संस्कृतिको भुमिका बिषयक कार्यपत्र प्रस्तुत गरिने सञ्चालक देबीभक्त श्रेष्ठले पत्रकार भेटघाटमा जानकारी दिए ।
पुर्बी नेपालको पर्यटन प्रवर्धनमा टेवा पुर्याउने उदेश्यका स्थापना भएको होटलले आन्तरीक तथा बाह्रय पर्यटक तथा आगन्तुक पाहुनाहरुलाई उत्कृष्ट सेवा पस्किएरहेको सञ्चालक श्रेष्ठको भनाई छ ।
पारिवारिक वातावरणसहितको रेस्टुरेन्ट रहेको होटलमा होटलमा इन्डियन, कन्टिनेन्टल, चाइनिज, थकाली लगायतका खानाका परिकारहरु उपलब्ध हुने होटलका प्रवन्ध निर्देशक गौरव श्रेष्ठले बताए ।
होटलमा भीआइपी बार तथा सुबिधा सम्पन्न कोठाहरु छन् । ब्यवस्थित कार्यक्रम हलसँगै २०७५ चैत्र २५ देखि स्पा र ज्याकुजी सहितको युनिसेक्स सलोन सञ्चालन रहेको छ ।
२०७६ माघ २६ गतेदेखि काँकरभिट्टामा पहिलो शाखा सञ्चालन गरेको होटलले ९ औं वर्ष प्रवेश गरेको अवसरमा कोठामा १५ प्रतिशत र खानामा १० प्रतिशत छुटको व्यवस्था गरेको प्रवन्ध निर्देशक श्रेष्ठको भनाई छ । होटलले चाँडै सुबिधा सम्पन्न कफी क्याफे सञ्चालन गर्ने योजना रहेको जनाएको छ ।
पर्यटन उद्योगको रुपमा २०४२ सालमा हिकोला कलर ल्याबबाट शुरु भएको व्यवसाय अनुपमा ट्राभल्स हुँदै होटल ब्यवसायसम्म आइ पुगेको हो ।
मेचीनगर नगरपालिका–१ मा पाथिभरा कृष्णथुम्की कृषि तथा पर्यटन प्रालिका नाममा ५ बिगाहा जग्गा समेत खरिद गरिसकिएको जनाइएको छ ।
कार्यक्रममा होटलका मेनेजर विवेक बराल, साहित्य चौतारीका अध्यक्ष हस्त परियार, कोषाध्यक्ष भवानी गौतम, सल्लाहकार कृष्ण पौडेल, कुमार श्रेष्ठलगायतको उपस्थिति रहेको थियो । कार्यक्रमको सञ्चालन सुनिता तामाङले गरेकी थिइन ।
