विराटनगर : जिल्ला ट्राफिक प्रहरी कार्यालय मोरङका प्रमुखको बिदाइ तथा स्वागत गरिएको छ । ट्राफिक प्रहरी प्रमुख सुनिल श्रेष्ठको विदाईसँगै प्रहरी निरीक्षक सुमन न्यौपानेलाई स्वागत गरिएको हो ।
जिल्ला ट्राफिक प्रहरी कार्यालय मोरङले बुधबार एक कार्यक्रमको आयोजना गरी न्यौपानेलाई स्वागत तथा श्रेष्ठको बिदाई गरेको हो ।
काठमाडौं विमानस्थबाट जिल्ला ट्राफिक प्रहरी कार्यालय मोरङ विराटनगरमा न्यौपानेको सरुवा संगै पदस्थापन भएको हो ।
इलाका प्रहरी कार्यालय काकरभिट्टामा दरवन्दी भई ५ महिनादेखि जिल्ला ट्राफिक प्रहरी कार्यालय मोरङमा कार्यरत श्रेष्ठको इलाका प्रहरी कार्यालय रवि पाँचथरमा सरुवा भएको छ ।
