काठमाडौं महानगरपालिकाका प्रमुख बालेन साहले बुद्धि, विवेक पु¥याएर काम गर्न नगर प्रहरी बललाई निर्देशन दिएका छन् ।
बिहीवार महानगरपालिका नगर प्रहरी बलको स्थापना दिवसका अवसरमा आयोजित कार्यक्रमलाई सम्बोधन गर्दै प्रमुख साहले संवेदनशील हुनुपर्ने ठाउँमा संवेदनशील भएर काम निर्देशन दिएका हुन् ।
उनले नगर प्रहरीलाई हिम्मतले काम गर्न पनि आग्रह गरे । उनले सार्वजनिक जग्गा संरक्षण, पार्किङ व्यवस्थापन र अवैधानिक संरचनाहरु हटाएर सुशासन कायम गराउनका लागि महानगरले थालेको काममा नगर प्रहरीले निभाएको भूमिकाको प्रशंसा गरे ।
प्रमुख साहले शहरमा सुशासन ल्याउनका लागि राजनीतिक दबाबमा नआइकन काम गर्न नेपाल प्रहरी र सशस्त्र प्रहरीको नेतृत्वलाई पनि आग्रह गरे ।।
