झापा : होटल व्यवसायी संघ मेचिनगरलाई सम्मान गरिएको छ । आज शुक्रबार झापाको बिर्तामोडमा भएको होटल व्यवसायी संघ झापाको १० औँ जिल्ला अधिवेशनमा होटल व्यवसायी संघ मेचिनगरलाई सम्मान गरिएको हो ।
होटल व्यवसायी संघ मेचिनगरका अध्यक्ष सुरेशकुमार श्रेष्ठले उक्त सम्मान ग्रहण गरेका थिए । कार्यक्रमको प्रमुख अतिथि बिर्तामोड नगरपालिकाकी प्रमुख पवित्रा महतारा प्रसाई, होटल व्यवसायी महासंघ उपाध्यक्ष देबी गौतम (रबिन), कोशी प्रदेश अध्यक्ष राजन दंगाल, होटल व्यवसायी संघ झापाकी अध्यक्ष इन्दिरा श्रेष्ठले अध्यक्ष श्रेष्ठलाई दोसल्ला ओढाएर सम्मानपत्रद्धारा सम्मान गरेका थिए ।
मेचीनगर संघले नेपालमै पहिलो पटक आफ्नै नीजि भवन बनाएको , कोभिडको समयमा उल्लेखिय काम गरेको , बजार सरसफाई गरेको, बजार क्षेत्रमा डस्बीन वितरण लगायतका सामाजिक कार्य गरेको भन्दै संघलाई सम्मान गरिएको हो ।
पर्यटन प्रवर्द्धनमा होटल व्यवसायीको क्षेत्रमा मेचीनगरले राम्रो काम गरेको भन्दै झापा संघले गरेको सम्मान प्रति होटल व्यवसायी संघ मेचीनगरका अध्यक्ष सुरेशकुमार श्रेष्ठले आभार सहित धन्यवाद ज्ञापन गरेका थिए । उनले यस्ता किसिमका सम्मानले थप काम गर्न उर्जा मिल्ने उल्लेख गरे । उनले मेचिनगर ६ मा मेचिनगरपालिका सहित बिभिन्न दाताको सहयोगमा संघको भवन बनिरहेको र अबको केहि समय पछि समपन्न हुने बताए ।
