चारपाने : नेपाल दशनामी समाज झापाको आयोजनामा तीज मिलन कार्यक्रम भएको छ । नेपाली महिलाहरुको महान पर्व तीजको अवसर पारेर सोमबार (आज) समाजले झापाको बिर्तामोड–२ स्थित चारपानेको पर्शुराम पार्टी प्यालेसमा तीज मिलन कार्यक्रम गरेको हो ।
तीज मिलन कार्यक्रमकी संयोजक पार्वता गिरीको अध्यक्षतामा भएको कार्यक्रममा जेष्ठ महिला सदस्य मनमाया गिरीको प्रमुख आतिथ्य रहेको थियो भने समाजका केन्द्रिय संरक्षक भरतलाल गिरीको बिशिष्ट आतिथ्य रहेको थियो ।
तीज मिलन कार्यक्रममा झापाका सवै स्थानीय तहका महिला दिदिबहिनीहरुको बाक्लो उपस्थिति रहेको थियो । तीज मिलन कार्यक्रमका लागि समाजका झापाका प्रत्येक पालिका, दशनामी बन्धुहरुको बाहुल्यता रहेको ऊ नमः शिवाय साकोस, जिल्ला समितिका पदाधिकारी, तथा सदस्य साथै बिभिन्न दशनामी बन्धुहरुले आर्थिक सहयोग गरेको तीज मिलन कार्यक्रमकी संयोजक पार्वता गिरीले जानकारी दिइन् ।
कार्यक्रममा केन्द्रिय संरक्षण तथा कार्यक्रमका बिशिष्ट अतिथि भरतलाल गिरी, झापा अध्यक्ष केदार गिरी लगायतले शुभकामना मन्तव्य राखेका थिए । कार्यक्रमको सञ्चालन समाजका बिर्तामोड नगर अध्यक्ष अर्जुन गिरीले गरेका थिए ।
स्वागत समाजकी प्रदेश सदस्य सिता भारतीले गरेको कार्यक्रममा समाजका केन्द्रिय सह–कोषाध्यक्ष गोबिन्द गिरी, कोशी प्रदेश अध्यक्ष पदमबहादुर पुरी (प्रकाश), पूर्व कोशी प्रदेश अध्यक्ष चन्द्रप्रसाद गिरी, पूर्व झापा अध्यक्ष खिलबहादुर गिरी (राजु), समाजका बिभिन्न तह र तप्काका पदाधिकारी तथा सदस्यहरुको समेत उपस्थिति रहेको थियो । दशनामी चेलीबेटीहरुले दर खाएर नाचगान गरेर सामुहिक तीज मिलन कार्यक्रम सम्पन्न गरेका थिए ।
