पेट्रोलियम पदार्थ वितरण प्रक्रियामा सहजता ल्याउने उद्धेश्यका साथ झापामा मेची पेट्रोलियम ढुवानी सेवा प्रारम्भ भएको छ ।
कोशी प्रदेशलाई लक्षित गरेर मेची पेट्रोलियम ढुवानी सेवा गठन गरेर कार्य प्राम्भ गरिएको सञ्चालक एवम् पेट्रोलियम डिर्लस एशोसिएसन मेचीका अध्यक्ष नवीन कोइरालाले जानकारी दिए ।
झापाको चारआलीमा निर्माण भइरहेको प्रदेशकै ठूलो पेट्रोलियम पदार्थको डिपोबाट ब्यवस्थित रुपमा सबै पम्पहरुमा पेट्रोलियम पदार्थ पु¥याउनका लागि मेची पेट्रोलियम ढुवानी सेवा गठन गरेको बताइएको छ ।
३० जना शेयर सदस्य रहेको पेट्रोलियम ढुवानी सेवाको अध्यक्षमा टीकाराम पिठाकोटे रहेका छन् । आगामी असोज ६ गते साधारण सभा गरी समिति विस्तार गरिने जनाइएको छ ।
चारआलीमा पाइप लाइन मार्फत पेट्रोलियम पदार्थ भण्डारण गरेपछि सबै जिल्ला तथा पेट्रोल पम्पहरुमा सुरक्षित र ब्यवस्थित रुपमा ढुवानी गर्ने उदेश्यले पेट्रोलियम ढुवानी सेवा शुरु गरिएको अध्यक्ष पिठाकोटे को भनाई छ । केन्द्रिय ढुवानी महासंघसंग यस बिषयमा सम्बन्धन लिने निर्णय भएको जनाइएको छ ।
