इलाम : इलामको रोङ गाउंपालिकामा अहिले सांझ ६.२५ बजेको समयमा सवारी दुर्घटना भएको छ । दुर्घटनामा परी छ जना गम्भिर घाइते भएका छन् ।
रोङ गाउंपालिका ३ स्थित मेची राजमार्गबाट झापा आउने क्रममा BAA 1692 नम्बरको कार आफैं अन्यन्त्रीत भइ दुर्घटनामा परेको हो । गाडी राजमार्गबाट करीब ३ सय मीटर तल खसेको प्रहरीले जनाएको छ ।
दुर्घटनामा कारमा सवार शिवसताक्षी नगरपालिका ११ दुधेका ३५ बर्षीय मनोज राई घाइते भएका छन् । उनको करङ शरिरका बिभिन्न भागमा चोट लागेको र अवस्था गम्भिर रहेको प्रहरीले जनाएको छ ।
त्यस्तै मोरङ जिल्लाको बिराटनगर ७ बस्ने ५२ बर्षीय सचिन पोखरेल (चालक) उनको अनुहार र खुट्टामा चोट लागेको र अवस्था गम्भीर रहेको प्रहरीको भनाई छ ।
त्यस्तै सोहि ठेगाना भएका ५७ बर्षीय राजकुमार पौडेल उनको टाउको , छाती र खुट्टामा चोट लागेको र अवस्था गम्भीर रहेको प्रहरीको भनाई छ । त्यस्तै सोहि स्थानका २४ बर्षीय अर्जुन महरा उनको हात , खुट्टा र टाउकोमा चोट लागेको छ । उनी पनि गम्भिर घाइते भएको प्रहरीले जनाएको छ ।
त्यस्तै शिवसताक्षी ११ का ३७ बर्षीय युवारज मुखिया उनको पनि शरीरका बिभिन्न भागमा चोट लागेको र अवस्था गम्भिर रहेको जनाइएको छ । त्यस्तै सोहि स्थानका ३० बर्षीय अनीष दाहाल पनि घाइते भएका छन् । उनको पनि शरीरको बिभिन्न भागमा चोट लागेको र अवस्था गम्भीर रहेको प्रहरीले जनाएको छ ।
घाइते सबैको प्रहरी चौकी हर्कटेबाट खटिएको प्रहरी टोलीले उद्धार गरी बिर्तामोड स्थित बिएण्डसी अस्पताल ल्याइएको जनाइएको छ ।
