चारपाने : झापाको बिर्तामोड–२ स्थित चारपाने चोकमा केएस रंग महल सञ्चालनमा आएको छ । सम्पूर्ण निर्माण सामाग्रीहरु एकै स्थानमा उपलब्ध गराउने उदेश्यका साथ बुधवार (आज) बाट महलले बिक्री सुचारु गरेको महलका सञ्चालक रमेश झाले जानकारी दिए ।
महलको उद्घाटन सञ्चालक झाका पिता ७२ बर्षिय श्रीपशुपति झाले गरेका छन् । सञ्चालक झाका अनुसार महलमा घर निर्माणमा आवश्यक पर्ने रंग, बाथरुम फिटिङ सामाग्री, बेशन ,पेना, कम्बोड, पानीका धारा लगायतका सामाग्रीहरु उपलब्ध हुनेछन् ।
महलले केएनपी नेरोल्याक जापानीज पेन्ट्स र भारतको चर्चीत सेनीट्याप कम्पनीका धारा तथा बाथरुम सामाग्रीको डिलर लिएको सञ्चालक झाको भनाई छ ।
महलले २ लाख रुपैयाँ बढीको सामाग्री खरिद गर्दा होम डेलिभरी समेत गर्ने बताइएको छ । त्यस्तै महलमा घरका लागि आवश्यक रेडिमेट ढोका, मार्वल, टाली, रड सिमेन्टलगायतका सामाग्री पनि उपलब्धगराइने सञ्चालक झाले बताए ।
