प्रहरीले लागुपदार्थ खैरो हिरोइन सहित कांकरभिट्टाबाट एक जनालाई पक्राउ गरेको छ ।
भारतबाट पैदल मार्फत मेची नदी पार गरेर कांकरभिट्टा स्थित सुपारी लाइनमा आइपुगेका इलाम नगरपालिका ९ का बर्ष १८ का रोहन खवास चेकजाँचका क्रममा लागु औंषध खैरो हिरोइन सहित पक्राउ परेका हुन् ।
प्रहरी स्रोतका अनुसार उनले मलद्वारमा लुकाएर ब्राउन सुगर ल्याएका थिए । उनलाई प्रहरीले दिसा गराएर लागु औंषध खैरो हिरोइन ४ ग्राम ८८० मिलिग्राम बरामद गरेको छ । उनलाई अहिले साझं ५ बजेतिर पक्राउ गरिएको हो ।
लागु औषध नियन्त्रण ब्युरो कार्यालय शाखा कांकरभिट्टाको टोलीले उनलाई पक्राउ गरेको हो । घटनाका बिषयमा थप अनुसन्धान भइरहेको प्रहरीले जनाएको छ ।
