कांकरभिट्टाबाट लागु औषध खैरो हिरोइन सहित २ जना पक्राउ परेका छन । आज बिहिबार सांझ ६ बजे कांकरभिट्टा स्थित मेची पुलबाट ७ ग्राम लागु औषध खैरो हिरोईन सहित
इलाम चुलाचुली गांउपालिका ५ बस्ने ३२ बर्षीय भुपाल तामाङ र सोहि ठेगाना भएका २१ बर्षीय सिजन तामाङलाई पक्राउ गरिएको प्रहरी स्रोतले जनाएको छ ।
लागु औषध नियन्त्रण ब्युरो शाखा कांकरभिट्टाबाट खटिएको प्रहरी टोलीले भारतको पानीटङ्कीबाट मेचीपुल हुंदै को १४ प ४७६१ नम्बरको मोटरसाइकलमा नेपाल तर्फ आउँदै गरेका उनीहरुलाई बिशेष सुचनाका आधारमा पक्राउ गरेको प्रहरी स्रोतको भनाई छ । उनीहरुले मोटरसाइकलको हेन्डिल भित्र लुकाएर लागु औषध ल्याएका थिए ।
हाल इलाका प्रहरी कार्यालय कांकरभिट्टामा रहेका दुवैजनामाथि लागु औषध खैरो हेरोईनमा मुद्दा दर्ता गरी थप अनुसन्धान भई रहेको जनाइएको छ ।
