बिर्तामोड : बिर्तामोड २ मा म्ख्य कार्यालय रहेको सहारा नेपाल बचत तथा ऋण सहकारी संस्थाले आज शनिबार बिर्तामोडमा रक्तदान कार्यक्रम गर्ने भएको छ । संस्थाको २७ औं बार्षिक साधारणसभाको अन्तिम माइन्यूट प्रमाणीकरणका अवसरमा आज रक्तदान कार्यक्रमको पनि आयोजना गरिएको संस्थाले जनाएको छ ।
बिर्तामोड स्थित भद्रपुररोडमा रहेको बिर्ता पाटी प्यालेसमा आज बिहान ११ बजेदेखि १ः३० बजेसम्म रक्तदान कार्यक्रम आयोजना गरिएको जनाइएको छ ।
बढ्दो रगतको अभावलाई परीपुर्ती गर्न तथा सामाजिक उत्तरदायित्व वहन गर्दै संस्थाले रक्तदान कार्यत्रम गर्न लागेको संस्थाका कार्यकारी प्रमुख महेन्द्रकुमार गिरीले जानकारी दिए । उनले रगतको अभावमा अकालमा कसैले ज्यान गुमाउनु नपरोस भनेर आयोजना गरिएको मानविय सेवा कार्य रक्तदानमा सहभागीताका लागि सवैलाई आग्रहसमेत गरेका छन् ।
