बिर्तामोड । साहित्य चौतारी झापाले आगामी कात्तिक २८ गते दक्षिणारहित सामुहिक सडक देउसी खेल्ने भएको छ ।
चौतारीले विगतका वर्षमा झैं यस वर्ष पनि आगामी कात्तिक २८ गते मंगलबार गोवद्र्धन पूजाका दिन दक्षिणारहित सामुहिक सडक देउसी खेलिने साहित्य चौतारी झापाका संस्थापक तथा संरक्षक देवीभक्त श्रेष्ठले जानकारी दिए ।
साहित्य चौतारी झापाको २५ औं रजत वर्ष उत्सवको अवसरमा महाकवि लक्ष्मीप्रसाद देवकोटाको १५५ औँ जन्म जयन्ती ,नेपाल सम्वत ११४४ र म्ह् पूजा र तिहार विशेष शुभकामना आदानप्रदानसहित दक्षिणारहित सामुहिक सडक देउसी खेलिने उनले बताए ।
दक्षिणाकै लागी देउसी खेलिने परम्पराको अन्त्य गर्दै साहित्य, कला, संगीत ,भाषा, संस्कृति, परम्परासहित पूवर्ज(अग्रज)हरुको परम्परा र संस्कृतिको संरक्षण, सम्वद्र्धन गर्दै युवा तथा भावी पुस्तालाई पुस्तान्तरण गर्दै निरन्तरता दिने उद्देश्यले २०५८ सालदेखि दक्षिणारहित सामुहिक सडक देउसी खेल्दै आएको उनले जानकारी दिए ।
