झापा ।
झापामा सशस्त्र प्रहरीले तिहार तथा छठ पर्वलाई लक्षित गरी भित्राइएको प्रतिबन्धित बारुदजन्य विस्फोट पदार्थ पटाका बरामद गरी नष्ट गरेको छ । जिल्लाका विभिन्न सीमा नाकाबाट चोरी तस्करीको माध्यमबाट भित्राइएको करिब साढे ९ लाख मुल्य बराबरको पटाका बरामद गरिएको सशस्त्र प्रहरी बल नेपाल नम्बर २ गण झापाका एसपी देवराज अर्यालले जानकारी दिए ।
एसपी अर्यालका अनुसार ठुलो परिणाममा प्रहरीले जगमग बम, खुर्सानी बम, रकेट, झिरझिरे, अनार लगायतको पटाकाहरू बरामद गरेको हो ।
_1736908732.jpg)
सशस्त्र प्रहरीले चाडपर्वलाई मध्यनजर गरी सीमा नाकाबाट पटाकाहरू तस्करीको माध्यमबाट भित्रिन थालेपछि निगरानी बढाउँदा सो मुल्य बराबरको पटाका बरामद भएको हो ।
बरामद गरिएको पटाकाहरूलाई सशस्त्र प्रहरी बल नेपाल नम्बर २ गण झापा परिसरभित्र खाडल खनेर स्थानीय जनप्रतिनिधि, झापा उद्योग वाणिज्य संघका प्रतिनिधि, नेपाल प्रहरीको रोहवरमा शुक्रबार बिहान नष्ट गरिएको छ ।
