बिर्तामोड । बिर्तामोड ५ निवासी शिक्षासेवी तथा समाजसेवी नरेशमान धिमालको आज बुधबार निधन भएको छ । करिव ६५ वर्षीय धिमालको उच्च रक्तचापका कारण बिर्तामोड स्थित बीएण्डसी अस्पतालमा उपचारका क्रममा आज बिहान ११ः३० बजे निधन भएको जनाइएको छ ।
टावर टेम्पल स्कूलका संस्थापक धिमाल, धिमाल जाति विकास केन्द्र, गौरवशाली बचत तथा ऋण सहकारी संस्थालगायतका विभिन्न संस्थाहरुमा आवद्ध रहेका थिए । उनका श्रीमती, वीरता जेसीजका पूर्व अध्यक्ष राजीव धिमालसहित दुई छोरा, दुई बुहारी, दुई छोरी रहेका छन् ।
