बिर्तामोड : झापाको बिर्तामोड–५ लालीगुराँस टोलका दुई बालिका वेपत्ता भएका छन् । आज बुधवार मध्यान्ह सो टोलका ७ वर्षीया हिमानी निरौला र ५ वर्षीया अबजना पौडेल दिउँसो १२ बजेदेखि एकसाथ हराइरहेको इलाका प्रहरी कार्यालय बिर्तामोडले जनाएको छ । सम्पर्कविहीन बालिकाको खोजीका लागि परिवारजनले सबैसंग अपिल गरेका छन् ।
आफन्तको घरमा समेत गएको नभेटिएकाले प्रहरीले पनि सार्वजनिक सूचनामार्फत उनीहरुको खोजीमा सघाउन आग्रह गरेको छ । दिउँसो ४ बजे परिवारजनले बालिका हराएको सूचना प्रहरीलाई दिएका थिए ।
