सुरुङ्गा । झापाको कनकाई नगरपालिका वडा नम्बर ३ संगमचोकस्थित चारआलीका १३ बर्षिय सुशन विश्वकर्मा (लकान्द्री) को उपचारमा आर्थिक अभाव भएको छ ।
ब्रेन ट्युमरबाट पीडित लकान्द्री को उपचारमा आर्थिक अभाव भएको भन्दै सहयोग गरिदिन परिवारले सवैमा अनुरोध गरेको छ ।
विपन्न परिवारका सुशनको उपचारमा २०–२५ लाख रुपैयाँ खर्च भइसकेको जनाइएको छ । उनको उपचारमा अझै १० लाख वढी खर्च लाग्ने भएकाले सहयोगका लागि सवैमा आग्रह गरेको हो ।
दुई छोरी र तीन छोरा मध्येका कान्छा छोरा सुशन गत चैतदेखि बिरामी परेर उपचार गराइरहेको आमा बिमला विश्वकर्माले बताइन् ।
ब्रेन टुमर पहिलो स्टेजकै भएकाले उपचाररत सुमनको अवस्थामा सुधार आइरहेको उनको भनाई छ । तर थप उपचारकालागि आर्थिक अभावका कारण समस्या भएको उनले बताइन् । सुशन कनकाई–३ को देवकोटा एजुकेशन फाउण्डेशनमा कक्षा–७ मा अध्ययनरत बिद्यार्थी हुन् ।
उनी भरतपुर क्यान्सर अस्पतालमा उपचारत छन् । बालक शुसनको उपचारमा स्थानीय समाजसेवी शेरबहादुर थापाले पनि केहि रकम सहयोग गरेका छन् । साथै उनले अन्य दाता तथा सहयोगी हातहरुलाई शुसनको उपचारमा आर्थिक सहयोग गरिदिन आग्रह गरेका छन् । बिरामी सुशनका बुबा ठगप्रसाद विश्वकर्मा पनि प्रेसर तथा सुगरका कारण बिरामी छन् ।
संगमचोकस्थित चारआलीमा रहेको १० धुर जग्गामा बनेको सामान्य घरमा जनमन गरेर जिविको पार्जन गर्दै आएको विश्वकर्मा परिवारको दहनीय अवस्था भएकाले सवैले सकेको सहयोग गरिदिन सामाजिक ब्यक्तित्व थापालेसमेत आग्रह गरेका छन् ।
एनको उपचारमा सहयोग गर्न चाहनेले नेपाल बैंक लिमिटेड सुरुङ्गा शाखामा बिरामी सुशनका दाजु समिर कामीको नाममा रहेको खाता नम्बर १४७०१००७२२००३२०००००१ मा सहयोग गर्न सकिने छ भने फोन नम्बर ९८०१४६१६९७ मा सम्पर्क गरेर पनि सहयोग गर्न सकिनेछ ।
