बिर्तामोड–
आज बिहिबार सांझ भर्खरै झापाको शिवसताक्षी १० स्थित पूर्व पश्चिम राजमार्गमा सवारी दुर्घटनामा परी एक जनाको मृत्यु भएको छ । जिल्ला प्रहरी कार्यालय झापाले दुर्घटनामा परी एक जनाको मृत्यु भएको जनाएको छ । तर, मृतकको परिचय नखुलेको प्रहरीले जनाएको छ ।
पश्चिमबाट पूर्वतर्फ आउँदै गरेको प्र १–०१–०१६ प ४३९० नम्बरको मोटरसाइकलले सोही दिशातर्फ हिँड्दै गरेको पैदल यात्रीलाई पछाडिबाट ठक्कर दिँदा दुर्घटना भएको हो ।
दुर्घटनामा एक युवक घाइते भएको र उनको बिर्तामोड स्थित बिर्तासिटी अस्पतालमा भर्ना गरिएको थियो । तर उनको उपचारका क्रममा केहीबेरअघि मृत्यु भएको प्रहरीले जनाएको छ । प्रहरीका अनुसार मृतकको शव अस्पतालमा छ ।
दुर्घटनामा परेका मोटरसाइकल चालक झापा कमल गाउँपालिका १ का सागर तामाङ समान्य घाइते भएका छन् । उनलाई इलाका प्रहरी कार्यालय झिलझिलेको हिरासतमा राखिएको जनाइएको छ ।
