बिर्तामोड
झापा प्रहरीले पशुपन्छी सम्बन्धी कसुर मुद्दाका एक फरार प्रतिवादीलाई पक्राउ गरेको छ । प्रहरीले फरार रहेका अर्जुनधारा नगरपालिका ५ बस्ने ३० वर्षीय बिरु भन्ने वीरबहादुर दनुवारलाई पक्राउ गरेको हो ।
जिल्ला प्रहरी कार्यालय झापा र इलाका प्रहरी कार्यालय अनारमनीबाट खटिएको संयुक्त प्रहरी टोलीले उनलाई आज सोमबार सांझ पक्राउ गरेको जनाएको छ ।
अदालतको आदेशले कैद भुक्तानको लागि उनलाई कारागार पठाइएको जिल्ला प्रहरी कार्यालयले जनाएको छ ।
झापा जिल्ला अदालतको गत चैत २९ गतेको फैसलाअनुसार पशुपन्छी सम्बन्धी कसुर मुद्दामा उनलाई १ वर्ष कैद सजाय सुनाइएको थियो ।
