बिर्तामोड ।
बिर्तामोड स्थित कनकाई हस्पिटलको सञ्चालक समितिको अध्यक्षमा युवराज डाँगी चयन भएका छन् । बिर्तामोडमा शनिवार (आज) भएको हस्पिटलको १७ औं साधारणसभाबाट आगामी तीन बर्षे कार्यकालका लागि डाँगी अध्यक्षमा चयन भएका हुन् ।
हस्पिटलको बिधानमा हरेक तीन बर्षमा सञ्चालक मध्येबाट एकजना अध्यक्ष हुने प्रावधान रहेको जनाइएको छ । सोही प्रावधान बमोजिम डाँगी अध्यक्षमा चयन भएका हुन् ।
यसअघि चिकित्सक प्रेमबहादुर शाही हस्पिटलका अध्यक्ष थिए । उनले दुई कार्यकाल नेतृत्व गरेपछि अर्कै अस्पताल सञ्चालन गरेसंगै डाँगीको नेतृत्वमा हस्पिटलको व्यवस्थापन आएको हो ।
डांगी यसअघि हस्पिटलको प्रबन्ध निर्देशक थिए । बिधानमा अन्य सम्पूर्ण सञ्चालक सदस्य रहने प्रावधान रहेको जनाइएको छ ।
