कांकरभिट्टामा लागु औषध सहित एक ब्यक्ति पक्राउ परेका छन् । आज दिउंसो मेचीनगर ६ स्थित पुरानो मेचीपुलमा लागुऔषध नियन्त्रण ब्युरो काँकरभिट्टा र ईलाका प्रहरी कार्यालय काँकरभिट्टाबाट खटिएको संयुक्त टोलीले भारतबाट नेपाल तर्फ पैदल आउँदै गरेका दमक नगरपालिका वडा ८ बस्ने वर्ष ३५ नविन वस्नेत पक्राउ परेका हुन् ।
वस्नेतलाई शंका लागी चेकजाच गर्दा उनले लगाएको ज्याकेटको गोजीभित्र प्रतिबन्धित लागुऔषध खैरो हेरोइन २ ग्राम ५००मिलिग्राम फेला परेको जिल्ला प्रहरी कार्यालय झापाका निमित्त सुचना अधिकारी तथा कार्यबाहक प्रबक्ता प्रहरी निरीक्षक ढुण्डीराज गिरीले जानकारी दिए ।
ब्स्नेतलाई इलाका प्रहरी कार्यालय काँकरभिट्टामा राखी थप अनुसन्धान कार्य भइरहेको प्रहरीले जनाएको छ ।
