बिर्तामोड
बिर्तामोड उद्योग वाणिज्य संघको आसन्न निर्वाचनका लागि स्वतन्त्र व्यावसायिक प्यानलले निर्वाचन परिचालन सम्पर्क कार्यालय स्थापना गरेको छ ।
आज अतिथि सदन रोडमा प्यानलले सम्पर्क कार्यालय स्थापना गरेको हो । कार्यालयको नेपाल उद्योग वाणिज्य महासंघका केन्द्रीय सदस्य उमेश डालमियाले उद्घाटन गरेका थिए ।
संघको फागुन १४ गते निर्वाचन हुंदैछ ।
उक्त प्यानलबाट अध्यक्षमा अर्जुन मैनाली, वरिष्ठ उपाध्यक्षमा राजु घिमिरे, महासचिवमा कृष्ण पौडेल, वाणिज्य उपाध्यक्षमा ओमप्रकाश श्रेष्ठ, जनसम्पर्क उपाध्यक्षमा गोमा भट्टराईले उम्मेदवारी दिएका छन् भने अन्य पदहरुका उम्मेदवार टुङ्गो लागेको छैन ।
निर्वाचन परिचालन समितिका संयोजक एकराज कार्कीको अध्यक्षतामा भएको कार्यक्रममा स्वागत अध्यक्ष पदका उम्मेदवार अर्जुन मैनालीले गरेका थिए । कार्यक्रमको सञ्चालन निर्वाचन परिचालन समितिका सदस्य सचिव सुवास भट्टराईले गरेका थिए ।
