झापाको बिर्तामोडमा एक महिला मृत अवस्थामा फेला परेकी छन् ।
बिर्तामोड ४ स्थित अदुवा खोला पुल नजिकै एक महिलाको मृत अवस्थामा शव फेला परेको इलाका प्रहरी कार्यलय अनारमनीले जनाएको छ ।
मृत भेटिएकि महिला अदुवा पुल नजिकै तत्कालीन अवस्थामा रहेको वाणिज्य बैंक बसेको घरमा बस्दै आएको जनाईएको छ ।
इप्रका अनारमनीका डिएसपी प्रकाश बिष्टका अनुसार मृत भेटिएकी महिला मेचिनगर १ घर भई हाल बिर्तामोडमा बस्दै आएकी अन्दाजी ३५ वर्षीया सुनिता मड्डी हुन् ।
उनि माग्ने र कवाडी संकलनको काम गर्ने गर्थिन् । प्रयोग बिहिन बैंक रहेको भवनको भुंई तलामा बस्ने मृत मड्डी अत्याधिक मादक पदार्थ सेवन गर्ने गर्थिन ।
मृत मड्डीका श्रीमान देवराज राजवंशी पनि उनी संगै बस्दै आएका थिए । घटनाको बिषयमा अनुसन्धान भईरहेको र मृतकको श्रीमानलाई नियन्त्रणामा लिईएको डिएसपी िबष्टले जानकारी दीए ।
मृत महिलाको ५ र १० बर्षिय दुई छोरी रहेका छन् । मृत महिलाको गाला र टाउकोमा सामान्य चोट रहेको जनाईएको छ ।
हिजो शनिवार रातको ९ बजेको समयमा महिला मृत भेटिएको खबर प्रहरीलाई प्राप्त भएको र घटना स्थल सुरक्षित गरि अहिले शब पोस्टमार्टमका लागि धरान स्थित वि।पी कोइराला श्वास्थ विज्ञान प्रतिष्ठान लगिएको र घटनाको अनुसन्धान भैरहेको प्रहरीले जनाएको छ ।
