हल्दीबारी ।
लायन्स क्लब अफ बिर्तामोड स्मार्ट लेडीले झापाको हल्दीबारी गाउँपालिका २ स्थित नव सृजना प्राथमिक विद्यालयका ७० जना बिद्यार्थीलाई शैक्षिक सामाग्री वितरण गरिएको छ ।
आज विद्यार्थीलाई कापी, पेन्सिल, ईरेजर सहितको शैक्षिक सामाग्री र बिस्कुटसमेत वितरण गरिएको जनाइएको छ ।
लायन्स क्लब अफ बिर्तामोड स्मार्ट लेडीका अध्यक्ष लायन मन्जु उप्रेतीको अध्यक्षतामा तथा संस्थाका संस्थापक अध्यक्ष लायन लीला मैनालीको प्रमुख आतिथ्यमा कार्यक्रम गरिएको हो ।
कार्यक्रममा बिद्यालय ब्यवस्थापन समितिका अध्यक्ष लक्ष्मीप्रसाद खनाल, पूर्व प्रधानाध्यापक भीमप्रसाद उप्रेती बिद्यालयका जग्गा दाता होमनाथ दाहाललगायत संस्थाका को–अडिनेटर लायन पार्वता गिरी, हस्यब्याङ्गकार तथा पत्रकार ज्ञानमणी भुर्तेललगायत बिद्यालयका कर्मचारी र शिक्षकहरूको उपस्थिति रहेको थियो ।
कार्यक्रमको सञ्चालन लायन सरु भुर्तेल खनाल र स्वागत लायन यसोदा उप्रेतीले तथा विद्यालयका प्रधानाध्यापक भीम दाहालले शुभकामना मन्तब्य राखेका थिए ।
