बिर्तामोड
नेकपा माओवादी केन्द्रका अध्यक्ष पुष्पकमल दाहाल झापा आउने भएका छन् । उनी झापामा आयोजना गरिएको बृहत प्रशिक्षण कार्यक्रम सहभागि हुन आउने बताइएको छ ।
भदौ ३० गते बिर्तामोडमा प्रचण्डको उपस्थितिमा प्रशिक्षण कार्यक्रम तय गरिएको आज आयोजित पत्रकार भेटघाटमा जानकारी दिइयो ।
माओवादी केन्द्रका केन्द्रीय सदस्य तथा झापा इन्चार्ज झलकसिंह दर्लामी (सन्देश) ले कार्यकर्तामा उत्साह भर्न, सहिद परिवारलाई सम्मान गर्न अध्यक्ष झापा आउन लागेको जानकारी दिए ।
अनारमनी नगरोन्मुख गाविसका पूर्व उपाध्यक्ष समेत रहेका नेकपा एकीकृत समाजवादीका केन्द्रीय सदस्य लोकबन्धु कन्दङवाको नेतृत्वमा करिब ४ सय जना माओवादी केन्द्रमा प्रवेश गर्ने कार्यक्रम समेत रहेको एक नेताले बताए ।
