नेपाल राष्ट्रिय शिक्षक संगठन , बिर्तामोड नगरको अध्यक्षमा गाविन्द न्यौपाने चयन भएका छन् । आज बिर्तामोडमा आयोजित तेस्रो नगर अबिधेशनबाट न्यौपाने अध्यक्षमा निर्विरोध चयन भएका हुन् ।
त्यस्तै समितिको उपाध्यक्षमा इन्दिरा खनाल र भवानी शिवाकोटी, सचिवमा निरतलाल राजवंशी, कोषाध्यक्षमा इन्द्रप्रसाद बांस्कोटा, सह–सचिव इन्दिरादेबी बराल, सह–कोषाध्यक्ष सुजता थापा बिमली चयन भएका छन् । त्यस्तै समितिको सदस्हरुमा कबिता खतिवडा, सवनम थापा, टीका पौडेल, अम्बिका बजगांई, कमला थापा, कुशुम चौधरी, प्रमिला लिम्बु, सञ्जय अछामी, सुजन तामाङ, महेन्द्र भट्टराई, हेमप्रसाद अधिकारी, केशव उप्रेती, देवीप्रसाद कडरीया, झलकप्रसाद काफ्ले, लक्ष्मीप्रसाद गौतम र चम्पा भट्टराई चयन भएका छन् ।
अन्य २ सदस्य पछि मनोनित गरिने जनाइएको छ । बिर्तामोड नगर अध्यक्ष उमानाथ भण्डारीको अध्यक्षतामा भएको उद्धघाटन कार्यक्रममा नेपाल राष्ट्रिय शिक्षक संगठन जिल्ला अध्यक्ष द्रोणबहादुर श्रेष्ठको प्रमुख आतिथ्यता रहेको थियो ।
समितिका उपाध्यक्ष दलबहादुर खड्काले स्वागत गरेको कार्यक्रमको सञ्चालन सचिव गाविन्द प्रसाद न्यौपानेले गरेका थिए ।
कार्यक्रममा प्रमुख अतिथि श्रेष्ठ, कन्काई नगर अध्यक्ष ज्ञानबहादुर रायमाझी, पुर्व जिल्ला अध्यक्ष कृष्णप्रसाद अधिकारी, बिर्तामोड नगर शिक्षा शाखा प्रमुख तिलचन भण्डारी लगायतले शुभकामना मनतब्य राखेका थिए ।
कार्यक्रममा सामुदायिक विद्यालयमा अध्ययनरत २०८० सालको कक्षा ८ को परिक्षामा सर्वोत्कृष्ट अंक ल्याउने दुई जना विद्यार्थी सहित शिक्षकलाई सम्मान गरिएको थियो ।
