हल्दीबारी ।
झापाको हल्दीबारी गाउँपालिका–३ रमाईलो चोकका तारा बल्लब गिरीको घर जलेर नष्ट भएको छ । मध्यराती गिरीको काठको घरमा आगलागी भएको हो ।
आगलागीबाट गिरीको घर पूर्ण रुपले जलेर नस्ट भएको छ । घरमा भएको अन्नपात, ९ वटा बाख्रा आगोले जलेर मृत्यु भएको छ ।
भद्रपुर र मेची नगरपालिकाबाट आएको दमकल, स्थानीयवासी र प्रहरीको सहयोगमा आज बिहान ४ः०० बजेको समयमा आगो नियन्त्रणमा आएको थियो ।
आगलागीबाट करिब १२ लाख बराबरको क्षति भएको स्थानीयबासीहरुले बताएका छन् । आगलागीमा मानबिय क्षति भने नभएको र आगलागी के कुन कारणले भएको भन्ने यकिन नभएको बताइएको छ ।
