बिर्तामोड ।
झापाको बिर्तामोड ६ स्थित गिरीबन्धु टि–स्टेट नजिक महेन्द्र राजमार्गमा अज्ञात समुहले ट्रकमा आगजनी गरेको छ । गएराती २ः३० बजेको समयमा सुनसरीको दुहबीबाट जुट (पाटा) पु¥याएर पूर्व तर्फ आउँदै गरेको नम्बरको भारतीय ट्रकमा आगजनी भएको हो ।
१०÷१२ जनाको अज्ञात समुहले आगजनी गरेर फरार हुँदा ट्रकका चालक भारत इस्लामपुरका ४० बर्षिय पोदा रायको दाहिने हातको पाखुरा र शरिरको बिभिन्न भाग जलेर घाइते भएका छन् । उनको बिर्तामोडस्थित बीएण्डसी अस्पतालमा उपचार भइरहेको र अवस्था सामान्य रहेको छ ।
उक्त ट्रकमा लागेको आगो बिर्तामोड नगरपालिकाको दमकलको सहयोगमा ईलाका प्रहरी कार्यालय, अनारमनीबाट खटिएको प्रहरी टोलीले आज बिहान ३ः३० बजेको समयमा नियन्त्रणमा लिएको थियो । उक्त आगलागीबाट ट्रकको अगाडिको भाग पूर्णरुपमा जलेर नष्ट भएको र पछाडिको भागमा आंशिक क्षति पुगेको प्रहरीले जनाएको छ ।
