झापाको मेचिनगरका युवा व्यवसायी तथा सामाजिक ब्यक्तित्व नयन बरालले एक बिपन्न विद्यार्थीलाई कक्षा १२ सम्म निशुल्क अध्यापन गराउने घोषणा गरेका छन् ।
निर्माण व्यवसायी समेत रहेका बरालले आज पर्न गएको आफ्नो छोराको जन्मदिनमा विपन्न छात्र शर्मिला भुजेलको सम्पुर्ण कक्षा १२ सम्म लाग्ने अध्ययन खर्च बेहोर्ने घोषणा गरेका हुन् ।
बरालले छोरा उदेश्य १० अौँ बर्षमा प्रबेश गरेको अवसर पारेर विपन्न भुजेललाई सहयोग घोषणा गर्दै आज नगद १० हजार उपलब्ध गराएका छन् ।
भुजेल मेचिनगर ११ को बलभद्र माविमा कक्षा ५ मा पढ्छिन । उनको कक्षा ५ देखि १२ कक्षा सम्म लाग्ने सम्पुर्ण पढाई खर्च सहयोग गर्ने बचनले विद्यार्थी भुजेलकी आमा उर्मिला खुसि भएकी छन् ।
विद्यार्थी भुजेलको बुबाको मृत्यु भईसकेको छ भने आमा मजदुरी गर्छिन । 
जन्मदिनमा गरिने फजुल खर्च कटौती गर्दै सामाजिक उतरदायित्व निर्वाह गर्दै सानो सहयोग मात्र उपलब्ध गराएको बरालले बताए ।
आर्थिक अभाबका कारण पढ्ने ईच्छा भएर पनि नसक्ने विपन्न बिद्यार्थीलाई सहयोग गर्नु सबैको कर्तब्य र दायित्व भएको बराल बताउँछन् ।
सहयोग हस्तानतरण कार्यक्रममा स्कुलका अध्यक्ष शान्तिराम चिमरिया, सल्लाहकार ओम पौडेल, प्रधानध्यापक तुलसी सुबेदि, शिक्षक होम ढकाल लगायतले खुसि ब्यक्त गर्दै बरालले गरेको सहयोगको प्रशँसा गरे ।
कार्यक्रममा बराल सहित उनको श्रीमती शान्ति, छोरा उदेश्य सहित उत्कृष्ट बरालको उपस्थिति रहेको थियो ।
कार्यक्रममा उदेश्यले चकलेट बितरण संगै केक काटेर सामुहिक जन्मदिन मनाएका थिए ।
