बनियानी । झापाको हल्दिबारीमा आज हात्तीको आक्रमणबाट एक जनाको मृत्यु भएको छ ।
हात्तीको आक्रमणबाट हल्दिबारी गाउँपालिका–३ का ६५ वर्षीया वाङ्दी गुरुङको मृत्यु भएको जिल्ला प्रहरी कार्यालय झापाले जनाएको छ । हल्दिबारी–३ स्थित रणकाली सामुदायिक जंगलमा घाँस काट फर्कने क्रममा उनलाई हात्तीले आक्रमण गरेको थियो ।
झण्डै १० वटा हात्तीको समूहले लखेटेर लतारपछार पारेर कुल्चिँदा गुरुङको घटनास्थलमै मृत्यु भएको हो ।
