_1741321068.jpg)
बिर्तामोड
बिर्तामोडमा विश्व पोलियो दिवस सचेतना कार्यक्रमका बिच मनाइएको छ । हरेक वर्षको अक्टोबर २४ मा यो दिवस विश्वभरि मनाइन्छ । इलामसहित झापाका विभिन्न सातवटा रोटरी क्लबहरुले संयुक्त रुपमा कार्यक्रम आयोजना गरेको जनाइएको हो ।
‘किप नेपाल पोलियो फ्री’ भन्ने मुल नारासहित विश्व पोलियो दिवसको अवसरमा रोटरी क्लबहरुले बिर्तामोडमा संयुक्त सचेतनामुलक प्रभातफेरी निकालेका हुन् ।
प्रभातफेरीमा रोटरी इन्टरनेसनल डिस्ट्रिक्ट ३२९२ अन्तर्गतका रोटरी क्लब अफ काँकरभिट्टा, भद्रपुर, बिर्तामोड, बिर्तामोड मिडटाउन, दमक, मेचीनगर र इलामसहित सातवटा क्लबका सदस्यहरुको सहभागिता रहेको थियो ।
_1736908732.jpg)
बिर्तामोडस्थित मुक्तिचोक परिसरबाट ’बाईबाई पोलियो, शान्त बसौँ र पोलियोको शिकार नबनौँ, पोलियोको अन्त्य गरौँ, ‘किप नेपाल पोलियो फ्रि’ ‘विश्व पोलियो दिवस सफल पारौँ’ लगायतका नारा लेखिएका प्लेकार्ड र ब्यानरसहित विभिन्न सचेतनामुलक नारा लेखिएका र रोटरीको लोगो अंकित टिसर्ट र क्याप लगाएर निस्केका सहभागीहरुले शनिश्चरेरोड, हिकोलारोड, काँकरभिट्टारोड, भद्रपुररोडसहित बिर्तामोड बजारको मुख्य भागको परिक्रमा गरेका थिए ।
बजार परिक्रमापछि सोही स्थानमा आएर र्याली संक्षिप्त सभामा परिणत भएको थियो । रोटरी क्लबका एजी कुमारमणि पोखरेलले संक्षिप्त सभालाई सम्बोधन गर्दै रोटरीले सामाजिक क्षेत्रमा पुर्याएको योगदानको चर्चा गरेका थिए ।
कार्यक्रमको समापनमा बोल्दै एजी पोखरेलले पोलियोलाई अन्त्य गर्न सबै एकजुट हुनुपर्ने बताए । उनले पोलियो उन्मूलनका लागि रोटरीले महत्वपूर्ण भूमिका खेलिरहेको बताए । कार्यक्रममा एजी सुजन प्रधान, विनोद बस्नेत, टिकाराज ढकाल, कुमार गिरी, प्रकाश शिवाकोटी , निर्मल भट्टराई , प्रज्वल बिमली, दिवाकर प्रसाई सहित रोटरी र रोट्रयाक्ट क्लबहरूका सदस्यहरुको सहभागिता रहेको थियो ।
