_1741321068.jpg)
बिर्तामोड
बिर्तामोडको हिकोला रोड आजदेखि एकतर्फी सन्चालन गरिएको छ । आज आईतबार बिहान एक कार्यक्रमका बिच बिर्तामोड उद्योग वाणिज्य संघ, जिल्ला ट्राफिक प्रहरी कार्यालय, बिर्तामोड वडा नम्बर ५, स्थानीय व्यवसायी लगायतले एकतर्फी सडकमा सांकेतिक चिन्ह राखिएको हो ।
सो सडक एकतर्फि गर्ने बिषयमा ४ दिनअगाडि निर्णय गरिएको थियो । सोहि बमोजिमआज बाट सडक एक तर्फि गरिएको हो । लायन्स क्लब अफ बिर्तामोड सिटीले सडकमा आवश्यक पर्ने ट्राफिक सांकेतिक बोर्ड निशुल्क पलब्ध गराएको हो ।
_1736908732.jpg)
अति व्यस्त बन्दै गएपछि बिर्तामोड उद्योग वाणिज्य संघको अगुवाईमा काँकरभिट्टा रोडबाट कृषिथोक जाने हिकोला रोडमा सवारी साधन एकतर्फी ९दक्षिणबाट उत्तर० मात्र सञ्चालन गर्ने निर्णय भएको संघका अध्यक्ष राजु न्यौपानेले बताए ।
त्यस्तै, हिकोला रोडमा प्रत्येक महिनाको १५ गतेसम्म सडकको पूर्वतर्फ र १६ गतेबाट मसान्तसम्म पश्चिमतर्फ दुईपांग्रे सवारी मात्र पार्किङ गर्न पाइने भएको छ ।
जिल्ला ट्राफिक प्रहरी कार्यलय झापाका प्रहरी प्रमुख गणेश पौडेलले यसले केहि हद सम्म सजह हुने विश्वास ब्यक्त गरे । उनले बिर्तामोडको अति ब्यस्त भित्रि सडक मध्येको सो सडकमा पैदलयात्री, सवारी चालकले यस अघि भोग्दै आएको सास्तीको केहि हद सम्म अन्त्य हुने बताए ।
त्यस्तै, हिकोला रोडमा सामग्रीहरु लोड अनलोड गर्ने ठुला सवारी साधनलाई बिहान ९ बजेदेखि बेलुका ६ बजेसम्म प्रवेश निषेध गर्ने र शनिश्चरे रोड ग्लोबल आइएमइ बैंक हुँदै कृषि थोक चोक ९चौबाटो० सडक क्षेत्रमा पार्किङ निषेध गर्ने निर्णय भएको संघका कोषाध्यक्ष युवराज निरौलाले जानकारी दिए ।
