सुरुङ्गा
झापाको कनकाई नगरपालिका ३ स्थित कनकाई माविको खेल मैदानमा जारी दसैतिहार वडास्तरीय फुटबल प्रतियोगिताको आज सम्पन्न खेलमा वडा नम्बर ५ ले जित हात पार्दै सेमिफाईनलमा प्रवेश गरेको छ ।
वार्ड नम्बर ५ का तर्फबाट रुचन लिम्बुले लगायतार २ गोल गरेपछि उसले कनकाई भेट्रान क्लवको चुनौती पन्साउदै ५ नम्बरले बिजयी भएको हो । लिम्बुले खेलको पहिलो आफको ११ र २७ मिनेटमा गोल गर्दै आफ्नो टिमको बिजयी सुनिश्चित गरेका हुन । लिम्बु आजको खेलाको म्यान अफ दी म्याच बने ।
उनलाई आयोजक समितिका ख्याम ओली, आशिस संग्रौला, दिपेन ओली, वेविशा दवाडी लगायातले नगद १५ सय सहित ट्रफि प्रदान गर्नुभयो । रुचन यस अघिको ५ नम्बर र २ नम्बरविचको आईतवार भएको खेलमा समेत मेन अफ दी म्याच बनिसकेका खेलाडी हुन ।
५ नम्बरले फाईनल खेल प्रवेशका लागि अब भोली मंगलवार दिउसो ३ बजे खेल खेल्दै छ । त्यसअघि पहिलो सेमिफाईनल खेल दिउसो १ बजे कनकाई ३ र ९ बिच हुने आयोजक समितिका संयोजक दिपेन ओलीले बताउँनुभयो ।
कनकाई माविको खेल मैदानमा कार्तिक ९ गतेदेखि आयोजित खेल प्रतियोगिता स्थानीय होटल डिलाईट, भुतपुर्व अमेरिकी सैनिक आशिस संग्रौला लगायातको आयोजनामा खेल प्रतियोगिता हुदै छ । प्रतियोगितामा प्रथम हुने टिमले नगद ७१ हजार र ट्रफि तथा दोस्रो हुने टिमले नगद ३५ हजार प्राप्त गर्ने छ । फाईनल खेल आगामि कार्तिक १४ गते हुने छ ।
