काठमाडौं । कालिमाटीस्थित स्वर्णलक्ष्मी सहकारी ठगी प्रकरणमा जोडिएका नेपाल प्रहरीका पूर्वडीआईजी छविलाल जोशीलाई काठमाडौं ल्याइएको छ ।
उनलाई विमानमार्फत मंगलबार साँझ काठमाडौं ल्याइएको हो । त्रिभुवन अन्तराष्ट्रिय विमानस्थलको आन्तरिक उडानतर्फ ल्याण्ड भएका जोशीलाई जिल्ला प्रहरी परिसर भद्रकालीको हिरासतमा लगिँदैछ ।
कालिमाटीस्थित स्वर्णलक्ष्मी सहकारी ठगी प्रकरणमा पक्राउ पूर्जी जारी भएपछि बयानका लागि पोखराबाट ल्याइएको परिसरका एक अधिकृतले बताए । जोशीसँग भोलि बुधबारबाट बयान लिने तयारी प्रहरीको छ ।
