झापाको दक्षिणी विभिन्न नाकाबाट अवैध रूपमा भारतबाट लत्ताकपडाको तस्करी हुने गरेको पाइएको छ ।
सशस्त्र प्रहरीले ठूलो परिणामको लत्ताकपडा बरामद गरेपछि तस्करी निरन्तर भइरहेको पुष्टि भएको हो ।
सशस्त्र प्रहरीले भारतबाट भन्सार छलेर अबैध रुपमा ल्याउंदै गरेको १२ लाखभन्दा बढी मूल्य बराबरको सामान कचनकवलबाट बरामद गरेसंगै तस्करी भइरहेको खुल्न आएको हो ।
आज बिहान कचनकवल ६ बस्ने ४० वर्षीय नजाम खातुनको घरमा भारतबाट भन्सार छलेर अबैध रुपमा राखिएको अन्दाजी १२ लाख २० हजार ६०० मूल्य बराबरको ६ पोका लत्ताकपडा बरामद गरिएको
सशस्त्र प्रहरी बल नेपाल नं २ गण हे.क्वा. झापाका सूचना अधिकारी सशस्त्र प्रहरी नायव उपरीक्षक मदनकुमार रसाईलीले जानकारी दिए ।
बिशेष सूचनाको आधारमा सशस्त्र प्रहरी बल नेपाल (प्रस्तावित) सीमा सुरक्षा गुल्म घेराबारीबाट खटिएको टोलीले खातुनको घरमा छापा मारेको थियो ।
