श्री छठ युवा फ्रन्ट बिर्तामोडले झापाको अर्जुनधारा जलेश्वर धाममा निशुल्क पानी तथा चिया वितरण गर्ने भएको छ । आज बुधबारबाट लगातार १५ गते सम्म जलेश्वर धाममा पानी तथा चिया निशुल्क वितरण गरिने श्री छठ युवा फ्रन्टका अध्यक्ष अमरजित रौनियारले जानकारी दिए ।
सामाजिक उत्तरदायित्व अन्तरर्गत भक्तजन तथा सहभागिहरुको सुविधाकालागि यो कार्य गर्न लागिएको उनले बताए ।
पूर्वको पशुपतिनाथको रुपमा प्रख्यात यस धाममा शनिवारदेखि अष्टोत्तोरशत १०८ श्रीमद् भागवत पाठ पारायण र हवनात्मक महायज्ञ भइरहेको छ ।
प्रसिद्ध हिन्दू धर्मगुरु कालिदास बाबा र श्रीकृष्ण प्रणामीका धर्मगुरु मोहन प्रियाचार्यले अनुष्ठानको संयुक्त रुपमा उद्घाटन गरेका थिए ।
वृहत धार्मिक अनुष्ठान भइरहेको अर्जुनधारा जलेश्वर धाममा साँझको गंगा आरती दर्शनार्थीको आकर्षण बन्ने गरेको छ । विशेष शैली र विधिद्वारा हुने आरती हेर्न ठूलो संख्यामा दर्शनार्थीको भीड लाग्ने गरेको हो ।
