नेपाल प्रहरीमा कार्यरत प्रहरी नायव उपरीक्षक (डिएसपी) मिम लामाको नयाँ गीत ‘मायाको आश’ सार्वजनिक भएको छ ।
लामाको आफ्नै शब्द रचनामा रहेको गीतको म्युजिक भिडियो उनको आफ्नै युटुब च्यानल (मिम लामा) बाट आज आइतबार सांझ सार्वजनिक गरिएको हो । डिएसपी लामा हाल इलाका प्रहरी कार्यालय कांकरभिट्टामा कार्यरत छन् ।
नेपाली गीत संगीतमा समेत आफ्नो छुट्टै पहिचान बनाउन सफल रहेका चर्चित कथा, कविता, गित लेखक तथा डिएसपी लामाको यो नयाँ गितमा दिपकराज बिश्वकर्माको संगित रहेको छ ।
नेपालका चर्चित गायक प्रमोद खरेल र गायिका मेलीना राईको स्वरमा रहेको उक्त म्युजिक भिडियोमा गौरब हमाल र समरन सुनारले अभिनय गरेका छन् । उक्त गितको म्युजिक भिडियोको सम्पादन सुवास शाह, निर्देशन रोशन विश्वकर्माले छन् ।
संगीत संयोजन दिपक राज विश्वकर्मा, भिडियो छायाकन एजाजु लगायतका टिमले गरेका हुन् ।
मिम लामाले यस अघि पनि थुप्रै चर्चित गितहरु बजारमा ल्याइसकेका छन् । उनका हरेक गितहरुले दर्शकको मन जित्दै राम्रो सफलता हात पारेका छन् ।
डिएसपी मिम लामाको नयाँ गित ‘मायाको आश’ हेर्नुहोस
