बिर्तामोड

झापाको काँकरभिट्टाबाट प्रहरीले लागुऔषधसहित मोरङका एक युवालाई पक्राउ गरेको छ । मलद्वारमा लुकाएर लागु औषध ल्याउंदै गरेका उर्लाबारी ३ का ४० वर्षीय खेमराज सुवेदीलाई प्रहरीले पक्राउ गरेको छ ।

आज दिउँसो ३ बजे लागुऔषध नियन्त्रण ब्युरो काँकरभिट्टाको टोलीले काँकरभिट्टास्थित पुरानो मेचीपुलबाट उनलाई पक्राउ गरिएको प्रहरीले जनाएको छ । 

भारतबाट सिटी रिक्सामा नेपालतर्फ आउँदै गरेका सुवेदीलाई जाँच गर्दा उनले प्लाष्टिकमा पोको पारेर मलद्वार लुकाएर तीन ग्राम खैरो हेरोइन ल्याएको प्रहरीले जनाएको छ ।

उनलाई नियन्त्रणमा लिई इलाका प्रहरी कार्यालय काँकरभिट्टामा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।