न्यूटन्स एकाडेमीको २० औं खेलकूद दिवस बिविध कार्यक्रम मनाइयो

झापा 

झापाको बिर्तामोड ५ स्थित न्यूटन्स एकाडेमी एजुकेशनले २० औं बार्षिक खेलकूद दिवस बिविध कार्यक्रम गरेर मनाएको छ । 

बिद्यालयले आज (शनिवार) एभरेष्ट स्मार्ट स्कुलको खेल मैदानमा दौंड, ब्याडमिटन, चेस, टेवल टेनिस, म्याथम्याटिकल रेस, स्पुनमार्वल, म्युजिक चियर, थ्रेडनिडल, १०० र २०० मिटर रेस, स्कीपिङ रेस, बुक ब्यालेन्स  कोक फाइटलगायतका विविध खेलकूद गरेर बार्षिक उत्सव मनाएको हो । 

स्वस्थ्य जिवनकालागि खेलकुद पनि एक अतिरक्त क्रियाकलाप भएको ठहर गर्दै स्कुलले हरेक बर्ष विविध कार्यक्रम गर्दै आएको विद्यालयका प्रिन्सिपल देबेन्द्र हुंमागांइले जानकारी दिए । 

न्यूटन्स एजुकेशन एकेडेमीका कार्यबहाक अध्यक्ष गोपी प्रसाईको अध्यक्षतामा भएको उद्घाटन कार्यक्रममा बिर्तामोड–५ का कार्यवहाक वडाध्यक्ष ओमभक्त सेडाईको प्रमुख आतिथ्य रहेको थियो । 

कार्यक्रममा प्रमुख अतिथि सेडाई, हिसान झापाका कार्यवहाक अध्यक्ष उत्तम खनाललगायतले शुभकामना मन्तव्य राखेका थिए ।  उद्घाटन कार्यक्रममा न्यूटन्सको अभिभावक संघ इकाई उपाध्यक्ष गौरी भण्डारी, हिसान झापाका कोषाध्यक्ष रन्जित शाह, बिद्यालयका प्रवन्ध निर्देशक आशिष प्रसाई लगायत अभिभावक, शिक्षक, बिद्यार्थी, बिभिन्न संघ÷संस्थाका प्रमुख तथा प्रतिनिधिको आतिथ्य रहेको थियो । 

स्वागत बिद्यालयका प्रिन्सिपल देबेन्द्र हुमागाईले गरेको कार्यक्रमको सञ्चालन शिक्षिका पवित्रा पौडलले गरेकी थिइन् भने शहजीकरण एकाडेमी इन्चार्ज नोयल परेलाले गरेका थिए । उद्धघाटन कार्यक्रममा बिद्यार्थीहरुले बिभिन्न सांस्कृतिक कार्यक्रमसमेत प्रस्तुत गरेका थिए ।