बिर्तामोड ३ स्थित मनकामना कलेज नजिकै रहेको लिङ्कन मन्टेश्वरी स्कुलले  वार्षिक खेलकुद कार्यक्रम विविध कार्यक्रम गरि सम्पन्न गरेको छ । 

मन्टेस्वरी विद्यालयमा वार्षिक खेलकुद कार्यक्रम बालबालिकाको शारीरिक, मानसिक र सामाजिक विकासका लागि एक महत्त्वपूर्ण गतिविधि भएको भन्दै सोहि अनुसार कार्यक्रम गरिएको विद्यालयका सञ्चालक सरोज पौडेलले जानकारी दिए । 

विद्यालय व्यवस्थापन समितिका अध्यक्ष दिनेश ओझाको अध्यक्षतामा भएको कार्यक्रमको प्रमुख अतिथि बिर्तामोड नगरपालिका वडा नं।२ का वडाध्यक्ष किशोरकुमार पौडेल रहेका थिए ।

कार्यक्रमले बालबालिकालाई खेलको महत्त्व बुझाउन, टीम वर्क, अनुशासन, स्वस्थ प्रतिस्पर्धा, र नेतृत्व विकासमा सहयोग पुर्याबउँछ।

कार्यक्रममा प्रमुख अतिथि वडाध्यक्ष पौडेल, पत्रकार महासंघ झापाका उपाध्यक्ष तथा शिक्षा बहुद्देशीय सहकारी संस्थाका अध्यक्ष सुब्रत न्यौपानेले यस्ता किसिमका कार्यक्रमले बालबालिकालाई खेलको महत्त्व बुझाउन, टीम वर्क, अनुशासन, स्वस्थ प्रतिस्पर्धा, र नेतृत्व विकासमा सहयोग पुर्यािउने धारणा राखेका थिए । 

उक्त अवसरमा विभिन्न खेलमा प्रथम, द्धितीय, तृतिय बनेका विद्यार्थीहरुलाई मेडल, ट्रफि, प्रमाण पत्रसहित पुरस्कार वितरण गरिएको थियो । कार्यक्रममा उज्यालो मनकामना बाल क्लबका अध्यक्ष एलिजा भटटराई , अभिभावक दिपेश कार्की लगायतले पनि मन्तव्य राखेका थिए ।

विद्यालयका सञ्चालक सरोज पौडेलले  स्वागत गरेको कार्यक्रमको सञ्चालन मेची आधारभूत विद्यालय मेचीनगरका प्रधानाध्यापक लोकेन्द्र थपलियाले गरेका थिए ।

विद्यालयले विभिन्न किसिमका कार्यक्रम गर्दै आएको छ । विद्यालयले यस वर्ष वार्षिक खेलकुद अन्तरगत कार्यक्रम सम्पन्न गरेको हो । बालबालिकाको मनोविज्ञान अनुसारका कार्यक्रम गर्दै आएको लिङ्कन मन्टेश्वरी स्थापनाको छोटो समयमै धेरै अभिभावक र विद्यार्थीको रोजाइको केन्द्र बनेको छ ।