झापा : झापा विद्युतीय व्यवसायी संघको ११ औँ साधारण सभा सम्पन्न भएको छ । आज शनिवार कन्काई स्थित जामुनखाडी सिमसारमा एक कार्यक्रमका बीच संघको साधारण सभा सम्पन्न भएको हो ।
संघको जिल्ला अध्यक्ष डिल्लीराम वाराकोटीको अध्यक्षता तथा नेपाल विद्युतीय व्यवसायी महासंघ कोशी प्रदेश संयोजक चन्द्र प्रसाद देवकोटाको प्रमुख आतिथ्यता रहेको कामक्रमको सञ्चालन संघको झापा उपाध्यक्ष अम्बर बहादुर अधिकारीले गरेका थिए।
संघको निर्वतमान अध्यक्ष भक्ती प्रसाद पाठकले कार्यक्रममा स्वागत गरेका थिए । संघको संस्थापक अध्यक्ष दिपचन्द्र अग्रवालको विशेष आतिथ्यता रहेको कार्यक्रममा संघको आर्थिक प्रतिवेदन सचिव रोशन बस्नेतले प्रस्तुत गरेका थिए।
_1736908732.jpg)
कार्यक्रममा प्रमुख अतिथि देवकोटा, महासंघको गोपाल अग्रवाल, अनारमनी विद्युत प्राधिकरणका प्रमुख सजिव कुमार शाह , मोरङ इलेक्ट्रीक संघको कोषाध्यक्ष विमल बुढाथोकी लगायतले शुभकामना मनतब्य राखेका थिए ।
कार्यक्रममा मोरङ इलेक्ट्रीक संघको दृतिय उपाध्यक्ष विनिता दाहाल सहित संघका पदाधिकारी तथा व्यवसायीहरुको उपस्थिति रहेको थियो । कार्यक्रममा प्रिमियर वायार प्रालिको नयां तारको लन्च समेत गरिएको थियो । साथै संघले बनभोजको समेत आयोजना गरेको थियो ।
