झापा
कोशी प्रदेशका पूर्व मुख्यमन्त्री तथा नेपाली कांग्रेसका संसदीय दलका नेता उद्धव थापामाथि अहिले सांझ कुटपिट भएको छ ।
नेपाल प्रेस युनियन झापाले शिवसताक्षी स्थित दोमुखामा आयोजना गरेको बार्षिक साधारण सभा तथा वनभोजबाट फर्किदै गर्दा कन्काई नगरपालिकाको जुकेखाडीनजिक उनीमाथि कुटपिट भएको बताइएको छ ।
उनी सरकारी गाडि बा १ झ ६५३ नं को गाडीमा आउँदै थिए । थापामाथि बा १ ज १८७० मा सवार एक समूहले कुटपिट गरेको बताइएको छ । गाडि ओभर टेक गर्ने बिषयमा विवाद भएको जनाइएको छ ।
_1736908732.jpg)
कुटपिटबाट थापाको आँखामा चोट लागेको बताइएको छ । उनी बिर्तासिटी अस्पतालमा उपचार पश्चात घर गएको बताइएको छ । प्रहरीले थापामाथि हातपात गर्ने कनकाई ३ बस्ने ४२ को पृथ्वी श्रेष्ठ र शिवसताक्षी १ बस्ने वर्ष ४९को भक्ति बहादुर कटुवाललाई पक्राउ गरेको छ ।
उनीहरुलाई इलाका प्रहरी कार्यालय बिर्तामोडमा राखिएको छ । उनीहरु विद्युत कार्यालयका कर्मचारी भएको बताइएको छ ।
