_1741321068.jpg)
विर्तामोड : झापाको विर्तामोड ५ मा रहेको टावर टेम्पल स्कुलले संस्थापक स्वर्गिय नरेशमान धिमालको स्मृतिमा आयोजना गरेको झापा जिल्ला अन्तर विद्यालय वास्केट बल प्रतियोगिताको उपाधि टावर टेम्पल स्कुलले जितेको छ ।
यहि माघ २० गतेबाट सुरु भइ आज शुक्रबार विद्यालय प्रांगणमा भएको समापन प्रतियोगितामा टावर टेम्पलले बाल्मीकी स्कुललाई हराउंदै उपाधि जितेको हो ।
बिजेता टावर टेम्पलले ७२ स्कोर प्राप्त गरेको थियो भने बाल्मीकीले ४६ स्कोर ल्याएको थियो ।
प्रतियोगितामा प्रथम र दोस्रो हुनेलाई कार्यक्रमका प्रमुख अतिथि जिल्ला खेलकुद विकास समिति झापाका अध्यक्ष भेषराज भण्डारी प्रशान्तले ट्रफि, मेडल, प्रमाणपत्र प्रदान गर्दै शुभकामना शुभेच्छा प्रकट गरेका थिए ।
_1736908732.jpg)
प्रतियोगितामा झापाका ८ वटा विद्यालयको सहभागिता रहेको थियो । दमकको झापा मोडल, बिर्तामोडको बिल्मीकी स्कुल, ग्रिन फिल्ड स्कुल, लिटल फ्लावर्स, चिल्डेन इन्भाइरोमेन्ट देवी माविका कक्षा १२ भन्दा मुनीका विद्यार्थी खेलाडिहरुको सहभागिता रहेको थियो । पढाई अलवा विद्यार्थीलाई खेलकुद प्रति रुचि र जागरुक बनाउनकालागि हरेक बर्ष प्रतियोगिता आयोजना गरिंदै आएको टावर टेम्पल स्कुलका निर्देशक राजिव धिमालले जानकारी दिए ।
कार्यक्रममा मेचीनगर २ का वडाध्यक्ष दीपक बराल, झापा बास्केटबल संघको अध्यक्ष प्रकाश लिङ्देन, नेपाल पत्रकार महासंघ झापा शाखाका अध्यक्ष एकराज गिरी, झापा गोल्डकपका निवर्तमान अध्यक्ष बिनोद बस्नेत, जिल्ला ट्राफिक प्रहरी कार्यालय झापाका प्रहरी प्रमुख गणेश पोडेल, बिर्तामोड उद्योग वाणिज्य संघका अध्यक्ष राजु न्यौपाने, उपाध्यक्ष विशाल थापा, बर्दु भ्यालीका सञ्चालक बुद्ध तामाङ , लोत्से इंगलिस स्कुलका संचालक धनराज थापा लगायतको आतिथ्यता रहेको थियो ।
विद्यालयका प्रिन्सिपल तेजप्रसाद भटराइको अध्यक्षतामा भएको समापन कार्यक्रमको सञ्चालन शिक्षक यामनाथ घिमिरेले गरेका थिए ।
विद्यालयले यस अघि नै २८औं विषिक उत्सव विविध कार्यक्रमकाबिच मनाइसकेको छ ।
कार्यक्रममा विद्यार्थीले माच पास गरेका थिए साथै राष्ट्रिय सेवा दल, एनसीसी दलले आकर्षक खुकुरी ड्रिल प्रदर्शनी गरेको थियो ।
त्यस्तै विद्यालयले आज क्यापटेन सुविना जेवेगु छात्रा तर्फ समिर मुर्मु छात्र तर्फ चयन गरेको छ । साहयक क्यापटेन तर्फ मनसुन भण्डारी र मिक्सु सुब्वा चयन भएका छन् । त्यस्तै पुरानालाई बिदा गरेका थिए ।
