_1741321068.jpg)
बिर्तामोडमा विज्ञान साम्रगी प्रदर्शनी गरिएको छ । विर्ताबजार स्थित महेन्द्र रत्न माविको प्राङ्गणमा आज विर्तामोड नगरपालिका, विज्ञान विषय समितिको आयोजनामा नगरस्तरीय विद्यार्थीद्धारा निर्मित विज्ञान साम्रगी प्रदर्शनी गरिएको हो ।
कार्यक्रममा विर्तामोड नगरका २५ सामुदायिक र संस्थागत विद्यालयका विद्यार्थीहरूको सहभागिता रहेको थियो । विर्तामोड नगरप्रमुख पवित्रा महतारा प्रसाईंले कार्यक्रम अवलोकन गर्दै विज्ञान विषयप्रतिको विद्यार्थीको अभिरूची र वैज्ञानिक सोचको महत्वमा जोड दिनु पर्ने धारणा राखिन ।
प्रतियोगितामा मोहनमाया मावि पहिलो, न्युटन्स एजुकेशन एकेडेमी दोस्रो, महेन्द्र रत्न मा. वि. तेस्रो स्थान भएका थिए । त्यस्तै ईकम स्कुलले सान्त्वना पुरस्कार प्राप्त गरेको छ । विज्ञान विषय समितिका संयोजक लक्ष्मी प्रसाद प्रसाईंले यस प्रदर्शनीलाई विज्ञान र नवप्रर्वतनात्मक क्षमता वृद्धिका लागि प्रभावकारी रहने विश्वास व्यक्त गरे । प्रदर्शनी कार्यक्रमका निर्णायक विज्ञान शिक्षक पवन भट्टराई र रेखा भण्डारी थिए।
