हल्दीबारी ।
झापाको हल्दीबारीमा स्व. जगतबहादुर नरमाया वन स्मृति प्रतिष्ठानद्धारा आयोजित प्रथम वडा स्तरीय नकआउट फुटबल प्रतियोगिताको उपाधि हल्दीबारी २ ले जितेको छ । हल्दीबारी २ र ५ बिच आज भएको प्रतिस्पर्धामा २ ले ५ लाई २–० को गोल अन्तरसँगै उपाधि हात पारेको हो ।
हल्दीबारी २ ले उपाधिसँगै नगद १५ हजार, ट्रफि, मेडल र प्रमाणपत्र साथै उप–बिजेता टिमले नगद १० हजारसहित ट्रफि, मेडल र प्रमाणपत्र प्राप्त गरेको छ ।
यसैगरी बेष्ट प्लेयर अफ टुर्नामेन्ट आयुस लिम्बु, बेष्ट किपर समिति लिम्बु, बेष्ट फरवर्ड हिरण राजवंशी, बेष्ट मिड फिल्डर राजेश राजवंशी, बेष्ट डिफेन्डर अभिषेक मगर र हाईस्कोरर जलन खवास भएका छन् । उनीहरुलाई जनही एक हजार रुपैयाँसहित मेडल र प्रमाणपत्र प्रदान गरिएको छ । शुक्रवार हिजो बाट शुरु भएको प्रतियोगिता आज सम्पन्न भएको हो ।
_1736908732.jpg)
यसैबिच हल्दीबारी गाउँपालिकाका जनप्रतिनिधि र कर्मचारीबिच पनि खेल भएको थियो । जनप्रतिनिधिले कर्मचारीलाई २–० को गोल अन्तर गर्दै बिजय भएका थिए ।
प्रतिष्ठानका संरक्षक तथा अधिवत्ता डम्बर बन, प्रतिष्ठानका संरक्षक तथा हल्दीबारी गाउँपालिकाका प्रमुख प्रशासकीय अधिकृत मानबहादुर बन महेन्द्र सहित बन परिवारले आफ्ना स्व। मातापिताका नाममा पहिलो पटक प्रतियोगिता आयोजना गरेका हुन् ।
_1739844454.jpeg)
प्रतिष्ठानले हल्दिबारी माविका एक लाख ११ हजार १०० रुपैयाँको अक्षयकोष स्थापना गरी मुटु रोगी बिद्यार्थीहरुलाई सहयोग गर्दै आएको छ । २ दिनसम्म सञ्चालन भएको प्रतियोगिताको ब्यवस्थापन हल्दीबारी माबिले गरेको थियो । प्रतियोगिता सम्पन्न गर्न करिव २ लाख रुपैयाँ खर्च भएको प्रतिष्ठानका संरक्षक महेन्द्रले बताए ।
कार्यक्रममा हल्दीबारी गाउँपालिकाका अध्यक्ष रबिन्द्रप्रसाद लिङ्देन, प्रतिष्ठानका संरक्षक डम्बर बन, प्रतिष्ठानका संरक्षक तथा पालिकाका प्रमुख प्रशासकीय अधिकृत, प्रतिष्ठानकी संस्थापक तिलरुपा बन, हल्दिबारी माविका प्रधानाध्यापक टंकबहादुर पाख्रिन, सह–प्रधानाध्यापक तुलसीप्रसाद कोइराला, वडाध्यक्षहरु तथा जनप्रतिनिधिहरु, कर्मचारीहरु, बिभिन्न संघरसंगठनका प्रमुख तथा प्रतिनिधिलगायतको आतिथ्य तथा उपस्थिति रहेको थियो ।
