झापाको बिर्तामोडमा प्रथम फिट स्टुडियो अन्तर प्रदेश खुला तेक्वान्दो प्रतियोगिता हुने भएको छ ।  बिर्तामोडमा फिट स्टुडियो र मेची तेक्वान्दो डोजाङ्गको आयोजनामा आगामी चैत २९ र ३० गते प्रतियोगिता गर्न लागिएको आयोजकले आज आयोजना गरेको पत्रकार भेटघाटमा जनाएको हो । 

प्रतियोगितामा देशका सात वटै प्रदेशबाट एक हजार खेलाडी, एक सय अफिसियल निर्णायकहरु गरी दुई हजार जनाभन्दा बढीको सहभागिता रहने पत्रकार सम्मेलनमा  फिट स्टुडियोका सञ्चालक एवम् अन्तराष्ट्रिय कोच दिपेन धिमालले जानकारी दिए । 

तेक्वान्दो खेलको विकास, रुची र खेलाडीहरुलाई उत्प्रेरणा प्रदान गर्न प्रतियोगिताको आयोजना गरिएको उनले बताए । प्रतियोगिताले खेलकुद क्षेत्रसँगै जिल्लाको पर्यटन प्रवद्र्धन गर्न सहयोग पु¥याउने र प्रदेशहरू बीच आपसी सम्बन्ध कायम राख्न मद्दत पुग्ने आयोजकले विश्वास लिएको छ । 

तेक्वान्दोतर्फ ३५ केजी, ३८ केजी, ४१ केजी, ४५ केजी, ४८ केजी, ५१ केजी, ५५ केजी र ५८ केजी तौल समूहमा प्रतिष्पर्धा हुनेछ । 

त्यस्तै पुम्सेतर्फ महिला–पुरुष दुबैको १० वर्षभन्दा कम, १२ वर्षभन्दा कम र १४ वर्षमाथि उमेर समूहको प्रतिष्पर्धा हुनेछ । प्रतियोगितामा उत्कृष्ट खेलाडीहरुले आकर्षक मेडल तथा प्रमाणपत्र पाउनेछन् भने बेस्ट फाइटर एक–एक जना महिला–पुरुषले २०–२० हजार नगद पुरस्कार समेत प्राप्त गर्ने छन् ।

प्रतियोगिताको उत्कृष्ट टिमलाई ५० हजार, द्वितीयलाई ३० हजार र तृतीयलाई २० हजार रुपैयाँ नगद राशीको पुरस्कार प्रदान गरिने आयोजकले जनाएको छ । प्रतियोगितामा २० जना राष्ट्रिय तथा अन्तर्राष्ट्रिस्तरका २० जना निर्णायक (रेफ्री) सहभागी हुने छन् । प्रतियोगिता सम्पन्न गर्न ३० लाख रुपैयाँ  खर्च लाग्ने अनुमान आयोजकले गरेको छ ।